အတိုးအဖြစ် မျက်ရည်စက်ကလေးတွေပေးပါရစေ

၁။ အားလုံးကောင်းတယ်ဆိုတာကိုယ်ကောင်းမှဖြစ်တာပါ။ ၂။ ကိုယ့်လုပ်ရပ်ကို သူများအားကျအောင် လုပ်နိုင်ဖို့ လိုတယ်။ ၃။ ကျုပ်သေသွားရင်ကျုပ်ဘာတွေ လုပ်ခဲ့သလဲဆိုတာ ကျုပ်ရဲ့စာအုပ်တွေက ခင်ဗျားတို့ကိုပြောပြပါလိမ့်မယ်။ ၄။ သိထားတဲ့အခါမှာကျေနပ်နေရင် သိထားတာနဲ့ပဲ ကိစ္စပြီးသွားလိမ့်မယ်။ ၅။ နည်းနည်းလေးမှားတာကို ခွှင့်လွှတ်ခဲ့ရင် မဟာအမှား ကြီးဖြစ်သွားလိမ့်မယ်ဆိုတာ ကြပ်ကြပ်သတိထား။ ၆။ ဘာပဲကုန်သွား ကုန်သွား၊ ကျုပ်ဆီမှာ အမြဲရှိနေတာက မျှော်လင့်ချက်ပဲ။ ၇။ မြင့်မြတ်ချင်ရင်မြင့်မြတ်တဲ့အလုပ်ကိုလုပ်ရပါမယ်။ ၈။ လုပ်မယ်လို့စိတ်ကူးရဲရင်အဲဒီ့အလုပ်ဟာအောင်မြင်ဖို့ သေချာသွားပြီလို့ ကျုပ်ယုံကြည်တယ်။ ၉။ မောပြီဆိုပြီး သွားမရပ်လိုက်နဲ့။ ပိုပြီးမောသွားလိမ့်မယ်။ ဆက်သာလုပ်။ အောင်မြင်တဲ့အခါ သူ့ဘာသာသူ အမောပြေသွားလိမ့်မယ်။ ၁၀။ တန်ဖိုးဆိုတာ သိတဲ့လူအပေါ်မှာပဲ တည်တယ်။ မသိတဲ့ လူတွေအတွက် ဘာမှတန်ဖိုးမရှိဘူး။ ၁၁။ မုန်းတဲ့လူကမချစ်တာထက်၊ ချစ်တဲ့သူတွေက မမုန်းဖို့ ကျုပ်မှာတာဝန်ရှိတယ်။ ၁၂။ အခွင့်အရေးရယ်၊ အချိန်အခါရယ်၊ ပံ့ပိုးမှုရယ်၊ စိတ်ဆန္ဒရယ်မပါဘဲ ဘယ်အလုပ်မှ မအောင်မြင်ဘူး။ ၁၃။ ပြီးပြီးရောလုပ်ခဲ့တဲအလုပ်တွေအားလုံးဟာနောင်လာနောက်သားတွေကိုချောက်တွန်းခဲ့တာပဲဖြစ်တယ်။ ၁၄။ လုပ်ပြီဆိုကတည်းက သမိုင်းတင်ချင်လို့ပဲ။ ၁၅။ မြင့်မြင့်ပျံရင်တော့ များများမောမှာပဲ။ များများမောမှလည်း မြန်မြန်ရောက်မယ်။ ၁၆။ ကိုယ်လုပ်နေတဲ့အလုပ်အပေါ်မှာရိုးသားစွာ လိပ်ပြာသန့်နေရင် ဘယ်သူ့ကိုမှ မှုစရာမလိုဘူး။ ၁၇။ မကောင်းဘူးလို့တစ်သံတည်းမထွက်သရွေ့ ကိုယ်လုပ်တဲ့အလုပ်ဟာ ကောင်းနေတယ်လို့ ကျုပ်ယူဆထားတယ်။ ၁၈။ လုပ်ချင်သလောက် မလုပ်နိုင်သေးရင် လုပ်နိုင်သလောက် လုပ်ထားမှာပဲ။ ၁၉။ ရန်သူတစ်ယောက်ထက်၊ ပတ်ချာလည်ဝိုင်းနေတဲ့မိတ်ဆွေတုတွေကို ကျုပ်ကပိုကြောက်တယ်။ ၂၀။ လုပ်ကြည့်လို့မှားသွားရင် ၀မ်းသာပေတော့။ ၂၁။ နှိုက်သလောက်ရတာ ပညာပါပဲ။ ၂၂။ ဘယ်ကိစ္စကိုမဆို ပီပီပြင်ပြင် မတီထွင်နိုင်ရင် ရယ်ချင်စရာဖြစ်သွားမှာ။ ၂၃။ သူများလုပ်ပြတာတွေကို အားရစရာမလိုဘူး။ အားကျဖို့ပဲလိုတယ်။ ကိုယ်တိုင်လုပ်နိုင်ဖို့လိုတယ်။ ၂၄။ လုပ်ခဲ့တာတွေအပေါ်မှာ ယစ်မူးမနေဘူး။လုပ်ချင်တာတွေအပေါ်မှာ စိတ်ကူးမယဉ်ဘူး။ လုပ်နေတာတွေအပေါ်မှာဘဲ ကျေနပ်တယ်။ ၂၅။ တစ်လောကလုံးမှာ လုံခြုံတဲ့နေရာဟာ စိတ်ထဲမှာပဲရှိတယ်။ ၂၆။ ကိုယ်ဘာလုပ်နေသလဲဆိုတာ သူများသိဖို့မလိုဘူး။ ကိုယ်သိဖို့ပဲလိုတယ်။ ၂၇။ မျက်စိကန်းတာအရေးမကြီးဘူး၊ စိတ်ဓါတ်မကန်း ဖို့အရေးကြီးတယ်။ ၂၈။ လက်ခုပ်တီးတိုင်း ကိုယ့်ကိုအားပေးတယ်မထင် နဲ့၊ ကိုယ့်ကိုတောထုတ်တာလဲဖြစ်နိုင်တယ်။ ၂၉။ ပညာလိုချင်ရင် မာနထား၊ ပညာပေးချင်ရင် မာနချ၊ ဒါမှပညာရှင်ဖြစ်တယ်။ ၃၀။ ၀ိုင်းမြှောက်တိုင်း မြှောက်သွားရင် ပေါက်သွားမှာ လဲ သတိထားဦး။ ၃၁။ ကြိုက်နေတယ် ဆိုတာ အားလုံးကောင်းနေလို့ ဆိုပြီးမထင်နဲ့။ သူ့အတွက် ကြိုက်တာလား၊ ကိုယ့်အတွက် ကြိုက်တာလား၊ စဉ်းစားကြည့်။ ၃၂။ ကိုက်မယ့်အလုပ်ထက် ကြိုက်တဲ့အလုပ်ကိုလုပ် ရတာ ကျုပ်ပိုပျော်တယ်။ ၃၃။ လုပ်နိုင်သလောက်ကိုပဲပြော၊ ပြောသလောက်မ လုပ်နိုင်ရင် ကွယ်ရာမှာ ရယ်စရာဖြစ်နေမယ်။ ၃၄။ လမ်းမြင်တာနဲ့ ပန်းဝင်ပြီလို့မထင်နဲ့၊ အဝေးကြီး လိုသေးတယ်။ဆက်သာပြေး၊ အချိန်တန်ရောက် သွားလိမ့်မယ်။ ၃၅။ ငွေတစ်မတ်နဲ့ ငါးကြင်းခေါင်းကို လိုချင်လို့မရပါ။ တန်ဖိုးကြီးကြီးပေးခဲ့မှ တန်ဖိုးရှိတာတွေ အားလုံး ရမယ်လို့ ကျုပ်ခံယူတယ်။ ၃၆။ ထီးလိုနေမလား၊ ဘိနပ်လိုနေမလား၊ လွယ်အိတ် လိုလိုက်မလား၊ ကိုယ့်အခြေအနေကို ပြတ်ပြတ် သားသား ဆုံးဖြတ်နိုင်ဖို့လိုတယ်။ ၃၇။ လမ်းသစ်ထွင်ရင် ဆူးနင်းမိမှာဘဲ။ ဆူးကြောက် ပြီးဒူးထောက်မိခဲ့ရင်မူးနောက်ပြီးလဲသွားလိမ့်မယ် ၃၈။ စိတ်မကုန်မချင်းလုပ်လို့ ကောင်းနေတဲ့ အလုပ် တွေဟာ စိတ်ကုန်သွားတာနဲ့ရပ်သွားမှာပဲ။ ၃၉။ အရိုးစူးတယ်ဆိုတာငါးစားလို့။ အမှားများတယ် ဆိုတာအလုပ်လုပ်လို့။ အဲဒါဘာဖြစ်သလဲ။ မှားစမ်းပါစေ။ ၄၀။ တမာရွက်ခါးတာ၊ သကြားချိုတာ၊ ငရုတ်သီး စပ်တာ၊ ရှောက်သီးချဉ်တာ သူတို့အလုပ် သူတို့လုပ်တာမို့ ကျုပ်ဂုဏ်ယူပါတယ်။ ၄၁။ အချိန်ကိုကိုယ်ကစောင့်ရတာ၊ အချိန်ကကိုယ့်ကို ဘယ်တော့မှမစောင့်ဘူး၊ အဲဒါသိပ်မတရားဘူး။ ၄၂။ ကကြီးကို ပက်လက်လှန်မကြည့်နဲ့၊ ကပက်လက် တော့ဖြစ်မှာမဟုတ်ဘူး၊ ယပလက်ပဲဖြစ်သွားမှာ။ ၄၃။ ပညာတော်တယ်ဆိုတာ ပညာရှာတော်တော့လို့ ပြောတာမဟုတ်ဘူး။ ဆက်ကြိုးစားဖို့ သတိပေး နေတာ။ ၄၄။ စိန်ခေါ်တယ်ဆိုတာ အနိုင်ရရေးအတွက်မဟုတ်ဘူး၊ အရှုံးမပေးဘူးဆိုတာသိဖို့အတွက်ပဲ။ ၄၅။ စာသာကောင်းပါစေ၊ ဘာလာတောင်းစရာရှိပါ့မလဲ၊ အားလုံးပြည့်စုံနေလိမ့်မယ်။ ၄၆။ ကျုပ်ရေးတဲ့စာဟာကျုပ်ဖတ်ဖို့မဟုတ်ဘူး။အားလုံးဖတ်ဖို့။ အားလုံးနဲ့တန်အောင် ကြိုးစားရမယ်။ ၄၇။ ညာစရာရှိလို့ပြင်တာကို ပညာရှိလို့ခေါ်တယ်တဲ့။ ဟုတ်လဲဟုတ်ပဲနဲ့။ ၄၈။ နောက်ဆုံးစက္ကန့်အထိပညာရပ်အပေါ်မှာရပ်တည်နိုင်ခြင်းဟာယောကျာ်းကောင်းရဲ့စိတ်ဓါတ်ပါပဲ။ ၄၉။ ပညာရပ်တစ်ခုကိုမမှန်ဘူးဆိုတာ သိနေရဲ့သားနဲ့ မှန်ပါတယ်လို့ လက်ခံနေရတာလောက် ခံပြင်းစရာကောင်းတာမရှိဘူး။ ၅၀။ ဂုဏ်ရှိအောင် ကြိုးစားတာထက် ရှိတဲ့ဂုဏ်ကို ထိန်းသိမ်းရတာ ပိုခက်တယ်။ ၅၁။ သူများလုပ်လို့ဖြစ်တာကို ၀မ်းသာနိုင်တဲ့လူဟာ သူတော်ကောင်းဖြစ်တယ်။ ၅၂။ တန်ဖိုးဆိုတာပေးတဲ့လူအပေါ်မူတည်တတ်တယ်။ ၅၃။ အောင်မြင်မှုရဲ့အောက်ကို ငုံ့ကြည့်ပါ။ ဆူးညှောင့် ခလုတ်တွေ ရှိနေပါတယ်။ အသီးစားချင်ရင်တော့ သစ်ပင် စိုက်ရမှာပဲ။ ဒါမှ ထိုက်ထိုက်တန်တန် စားရမှာပေါ့။ ၅၄။ ယုံကြည်တယ်ဆိုတာတစ်ယောက်ကတစ်ယောက်ကိုယုံရင်ကြည်တာပဲ။မယုံရင်မကြည်ဘူး။ ဟုတ်တယ်မဟုတ်လား။ ၅၅။ ခေါင်းမာတာကို အထင်မကြီးဘူး။ စိတ်ဓါတ်ခိုင်မာတာကိုပဲ ကျုပ်ကလေးစားတာ။ ၅၆။ လုပ်ပြနိုင်တာအားလုံးဟာ သတ္တိတွေဖြစ်တယ်။ ၅၇။ စိတ်ကူးတွေဟာပန်းတိုင်ရောက်ဖို့ပထမခြေလှမ်းဖြစ်တယ်။ ၅၈။ ပညာဆိုတာ သိတဲ့သူတွေအတွက်သာ အသုံးကျတာ။ မသိတဲ့သူတွေအတွက် ဘာမှအသုံးမကျဘူး။ ၅၉။ ကိုယ့်ဘာသာကိုယ် ဘာလုပ်နေသလဲဆိုတာ မှန်မှန်ကန်ကန်သိရင် လူတော်ဖြစ်ပြီ။ ၆၀။ သိနေတဲ့ပညာကို မလိုချင်ဘူး၊ ရှိတဲ့ပညာကိုပဲလိုချင်တယ်။ ဒါမှအသုံးကျတာ။ ၆၁။ မနာလိုမဖြစ်နဲ့၊ လုပ်တဲ့လူဟာနေရာရမှာပဲ။ ၆၂။ အသက်ရှင်ပြီး အသိသေနေတဲ့သူမဖြစ်ရအောင် ကြိုးစားတာဟာ ကျုပ်ရဲ့အလုပ်ပဲ။ ၆၃။ မလုပ်နိုင်ဘဲ ပြောနေတာထက်၊ လုပ်ပြီးမပြောတဲ့သူကို ကျုပ်လေးစားတယ်။ ၆၄။ ဆရာမတူတာနဲ့၊ အတွေးမတူတာနဲ့၊ အပြစ်ရှာတတ်တဲ့ပညာရှိဟာ ပညာမဲ့တဲ့သူသာဖြစ်တယ်။ ၆၅။ နောက်မပင်ပန်းချင်ရင် အခုပင်ပန်းတဲ့အလုပ်တွေကို လုပ်ပါ။ ၆၆။ ပညာမှာအရှုံးမရှိဘူး၊ဆက်မလုပ်ရင်သာကိုယ်ကရှုံးတာ။ ၆၇။ ဦးနှောက်က သိလို့မရဘူး၊ နှလုံးသားကသိမှ သိတယ်လို့ခေါ်တာ။ ၆၈။ ပညာဆိုတာ အရိပ်လိုပဲ၊ ခင်ဗျားသွားရင် သူကလိုက်မယ်။ ခင်ဗျားရပ်ရင် သူကရပ်တယ်။ ၆၉။ မနိုင်မယ့်အလုပ်ကို အရင်စမလုပ်နဲ့။ လုပ်နိုင်တဲ့အလုပ်ကိုပဲစပြီးလုပ်။မနိုင်မယ့်အလုပ်ကိုဆက်လုပ်နိုင်လိမ့်မယ်။ ၇၀။ အပြောလွယ်ပေမယ့် အလွယ်မပြောပါနဲ့။ ၇၁။ ကျုပ်သေသွားခဲ့ရင် ကျုပ်ဝိဥာဉ်လေးဟာ ဗေဒင်ပညာနဲ့အတူ ခင်ဗျားဆီ ရောက်လာပါလိမ့်မယ်။

0 comments

အတိုးအဖြစ် မျက်ရည်စက်ကလေးတွေပေးပါရစေ

Published on Tuesday, November 27, 2012 in အမျိုးသား စာပေဆု

   မနက်(၅)နာရီဘုရားရှိခိုးနေကြပါ။ အိပ်ယာဘေးမှာထားထားတဲ့တယ်လီဖုန်းက တဂွမ်ဂွမ်နဲ့ဆက်တိုက်မပြတ် အသံမြည်နေတယ်။ နာရီနိုးစက်ထင်ပြီးတော့ လှမ်းပိတ်လိုက်တာ ခွမ်းခနဲ၊ ၀ုန်းခနဲပြုတ်ကျသံကြားပြီးမျက်စိဖွင့်ကြည့်လိုက်တော့ ဖုန်းကမြည်နေတာဖြစ်တဲ့အတွက်ကြောင့် အူရားဖားရား ဖုန်းကိုကိုင်လိုက်ပါတယ်။ဖုန်းထဲမှာအိပ်ချင်မူးတူးဆိုတော့ ဖုန်းထဲကဘယ်သူမှန်းမသိ၊ ရမ်းသမ်းပြီး အမိန့်ရှိပါခင်ဗျာလို့ ပြောလိုက်တော့ဖုန်းထဲကပုဂ္ဂိုလ်က -
   ]]ဘာမှလျာမရှည်နဲ့၊ ကျုပ်ကမနက်မိုးလင်းအောင်စောင့်နေတာ၊ ညတစ်ဝက်လောက်ထိ အိပ်လို့ မရဘူး၊ အခုလဲခင်ဗျားနဲ့စကားပြောပြီး - ကျုပ်အိပ် တော့မှာ ...... }}
ကျွန်တော်က ]] ပြောပါခင်ဗျာ }} လို့ ပြောတော့ ကျွန်တော်ကို -   ]]ကျွန်တော်ပြောမယ့်စကားအတွက် ဘာကျွေးမလဲလို့ }} လို့မေးပါတယ်။
   အရေးထဲ မç ပြီး၊ စားမယ့်လူနဲ့တူပါတယ်၊ ကျွန်တော်က ခဏခဏ မç စမယ့်လူတွေတွေ့နေကျ ဆိုတော့ အလေ့အကျင့်ကဖြစ်နေပြီ။ အဲဒါနဲ့ ဖုန်းထဲကလူက -
   ]] မနေ့ညက ရေဒီယိုသတင်းကို နားထောင်ပြီးပြီလား ၊ ဒီနေ့ထွက်လာတဲ့   သတင်းစာတွေရောကြည့်ပြီးပြီလား ၊ }}
   ဒါနဲ့ညက များသွားလို့ အိပ်ပျော်သွားတာအခုမှ အိပ်ယာထတဲ့အကြောင်း သတင်းစာဆိုတာ ထမင်းစားပြီးမှ အေးအေးဆေးဆေးမွန်းတည့်လောက် မှလာတဲ့အတွက်ကြောင့် ဘာမှမကြည့် ရသေးပါဘူး။ကြည့်ချင်တာတွေလဲ အနားမှာမရှိပါဘူး။ }} လို့ ပြောတော့ တစ်ဖက်က လူက -
   ]] ဆရာဟာလေ --- အကျင့်ကိုမပျောက်ဘူး။ ဘယ်အကြောင်းအရာကိုပဲဖြစ်ဖြစ်၊ရီစရာလုပ်ပစ်တာပဲ၊
ဒီလိုဆရာရေ...၊၂၀၀၈ခုနှစ်အတွက် အမျိုးသားစာပေဆုပေးတဲ့ အထဲမှာ ဆရာရေးတဲ့ ]]ရာဇ၀င်ထဲမှာပုဏ္ဏား}} စာအုပ်ပါတယ်ဆရာရေ။ ဆရာ ကျွန်တော်ကို မုန့်ကျွေးရမယ်နော်}}
   ကျွန်တော် ]]ဟင်း}} ကနဲဖြစ်သွားတယ်။ဖုန်းဆက်တဲ့လူက ကျွန်တော်ရူးနေတာလေးကို ပိုရူးသလိုလုပ်တာနဲ့တူပါတယ်။ အမျိုးသားစာပေဆုရမယ်လဲမထင်ဘူး၊ ရနိုင်ဘွယ်လဲမရှိတဲ့ ကျွန်တော်က ဘာတွေကိုမျှော်လင့်ရမှာလဲ။ ]ဟင်း} ကနဲသက်ပြင်းချလိုက်မိပါတယ်။
   ကျွန်တော့်သား ကိုသက်ကိုနှိုးပြီး၊ အောက်မှာ သတင်းစာတစ်စောင် သွားအ၀ယ် ခိုင်းလိုက်ပါတယ်။ ရှေ့ပြန်၊ နောက်ပြန် လှန်ကြည့်တော့၊ ဟုတ်ပါတယ်၊ ၂၀၀၈ခုနှစ်က ထုတ်ဝေခဲ့တဲ့ ]]ရာဇ၀င်ထဲမှာ ပုဏ္ဏား}}
ဆိုတဲ့ စာအုပ်ဟာ၊ ၂၀၀၈ခုနှစ် အမျိုးသားစာပေဆု၊ သုတပဒေသာ (၀ိဇ္ဇာ)ဆုကို ကျွန်တော်လက်ခံရယူ မှာပါ၊ ၃၁-၁၂-၂၀၀၉ခုနှစ်မှာ နေပြည်တော်သို့သွားပြီး ယူရမှာဖြစ်ပါတယ်။
   သြော် --------- အိပ်မက်လိုပါပဲ -----------

       Ä   Ä   Ä   Ä   Ä

   ကျွန်တော်အရမ်းဖြစ်ချင်တဲ့ဘ၀ကို ရောက်လာ ပါပြီ။ ဘာပြုလို့လဲဆိုတော့ ဘယ်တော့မှ ဖြစ်မယ်လို့ မထင်ခဲ့တဲ့ အခွင့်အလမ်းတစ်ခုကို ကျွန်တော်အိပ်မက် ထဲမှာ ရသလိုပါပဲ။ ကျွန်တော်ရဲ့ ဘိုးစဉ်ဘောင်ဆက် အားလုံးဟာ တာဝန်ရှိသူတွေရဲ့ ဂုဏ်ပြုတာတွေ၊ ဆုတံဆိပ်ပေးတာတွေ၊ ဘွဲ့အပ်နှင်းတာတွေအားလုံး ရခဲ့ပြီးသားဖြစ်ပါတယ်။ ကျွန်တော်အဖိုးရဲ့အဖေ ကျွန်တော့်ရဲ့(ဘေး)ဟာ၊ ရွှေစလွယ်၊ လယ်၊ ယာ၊ ခြံ၊မြေပေါင်းမြောက်မြားစွာရရှိခဲ့ပါတယ်။
အင်္ဂလိပ်လက်ထက်မှာ ၁၉၀၆-ခုနှစ်၊ ဒါဘာပွဲမှာ ရွှေတံဆိပ်နဲ့ဂုဏ်ထူးဆောင်လက်မှတ်တွေကို ရရှိခဲ့ပါတယ်။
   ကျွန်တော်အဘိုးဟာ အင်္ဂလိပ်ဘုရင်ခံလက်ထက်မှာ ရွှေနာရီနှင့် ဂုဏ်ထူးဆောင်လက်မှတ် ရခဲ့ပါတယ်။
   ကျွန်တော်အဖေဟာ၁၉၅၄-ခုနှစ်မှာ ရန်ကုန်မြို့တော်ဝန်၏ရွှေတံဆိပ်နှင့် ဂုဏ်ထူးဆောင်လက်မှတ်ကို ရရှိခဲ့ပါတယ်။
   အနေအထားအရ- ကျွန်တော် ဘာဆုမှမရခဲ့ပါဘူး။ ဘိုးစဉ်ဘောင်ဆက်တို့၏ အကြောင်းကိုပြောရင်းဆိုရင်း ဂုဏ်ယူရင်းနှင့် အချိန်တွေကုန်ခဲ့ပါတယ်။ အဲဒီအချိန်မှာ အခုလို နိုင်ငံတော်က အမျိုးသားစာပေဆု ပေးတဲ့အတွက်၊ ကျွန်တော်တော်တော်လေး နေမထိထိုင်မသာဖြစ်ပြီး ၀မ်းသာမျက်ရည်တောက်တောက် ကျခဲ့ပါတယ်။ဆုရခြင်းထက် အပင်ပန်းခံရေးထားတဲ့စာအုပ်ကို တန်ဘိုးထားပြီး အသိမှတ်ပြုခံရလို့ပါပဲ။
   ဟုတ်တယ်လေ -----။
   ကျွန်တော်ဘယ်လိုလုပ်ပြီး ဒီစာအုပ်ကို စဉ်းစားတုန်းကရော၊ ရေးနေချိန်မှာရော၊ ရေးပြီးချိန်မှာရော၊ဒီစာအုပ်ကိုမထွက်ခင်အထိ ဘယ်လိုဒုက္ခနဲ့ကြုံတွေ့ခဲ့တယ်၊ဘယ်လိုအနေအထားတွေက ဘယ်လို
ရောက်ရက်ခတ်သွားတယ်။ ဘာတွေရယူခဲ့တယ်၊
ဘာတွေပေးဆပ်ခဲ့တယ်ဆိုတာ ကျွန်တော်မှတပါး ဘယ်သူပိုသိပါ့မလဲ၊ နာမည်မှည့်တာကအစ၊ အမျိုးမျိုးအပြောခံရ၊ နောက်ဆုံးမြန်မာစာမတတ်ပါဘူးလို့ ပြောတဲ့အထိ အထင်သေးခံခဲ့ရပါတယ်။ ပြီးတော့ - လေ့လာတာက ၃ -နှစ်၊ ရေးတာက တစ်နှစ်ခွဲ၊ အပြီးအစီး ငါးနှစ်နီးပါးကြာခဲ့တာကို - သူကပဲရေးပေး သလိုလို၊ ငါကပဲ ပြောပြရသလိုလို ကြားကအချောင် အခွင့်အရေးလိုချင်လို့ ဖန်တီးနေကြသူတွေကလဲ အများကြီးပါ။ ထပ်ပြီး -၁၉၉၅ခုနှစ်မှာ ဒီစာအုပ်ကို ရေးလို့လုံးဝပြီးခဲ့ပါတယ်။ ပိုက်ဆံမရှိလို့၊ အခွင့်အရေး မရလို့၊ အမျိုးမျိုးအနေထားတွေကြောင့် စာအုပ်ကို မထုတ်ဝေနိုင်ခဲ့ပါ။ စာမူပြိုင်လို့ရတဲ့ အသင်းအဖွဲ့ တစ်ခုမှာ ၀င်ပြိုင်ကြည့်ပါတယ်။ မရခဲ့ပါဘူး။ အကြောင်းက စာမျက်နှာများလို့ လို့ ပြောပါတယ်။ ထားပါတော့၊ ထားပါတော့။ ၂၀၀၅ခုနှစ်မှာ အိန္ဒိယ နိုင်ငံက ဂုဏ်ထူးဆောင် ဒေါတ်တာဘွဲ့ရပြီးတဲ့ နောက်ပိုင်းမှာ ပန်းချီဆရာကြီး ဦးမောင်မောင်တိုးက၊ရာဇ၀င်ထဲမှာပုဏ္ဏားစာအုပ်ကို ရအောင်ထုတ်ဝေပါလို့ ကြိမ်ဖန်များစွာ အကြံပေးပါတယ်။ စာအုပ်မျက်နှာဖုံး ကအစ ကူညီ ရေးပေးခဲ့ပါတယ်။ လိုရင်းပြောရရင် စာအုပ်ထုတ်ဝေဖြစ်ခဲ့ပါတယ်။ကျွန်တော်သဒ္ဓါပေါက်ပြီး တစ်အုပ်ကိုငါးထောင်ကျတဲ့စာအုပ်ကြီးကို စိတ်ပါသူ ၀ါသနာပါသူ ဖတ်ချင်သူအားလုံးကို အခမဲ့ပေးခဲ့ ပါတယ်။ အဲဒီတုန်းက လူတိုင်းသိပါတယ်။ ငွေကြေးအားဖြင့် ဆုံးရှုံးသော်လည်း ကျွန်တော် ပေးကမ်း လှူဒါန်းနိုင်ခြင်းအတွက် ၀မ်းသာဂုဏ်ယူ မဆုံးပါ။
   အဲဒီအချိန်မှာပဲ နိုင်ငံတော်က အခုလိုအမျိုးသားစာပေဆု ချီးမြှင့်တဲ့အတွက် ကျွန်တော်ဘယ်လိုလုပ်ပြီး မပျော်ဘဲနေပါ့မလဲ။ အခုဆိုရင် ကျွန်တော့် ဘိုးစဉ်ဘောင်ဆက်ထဲမှာ ကျွန်တော်လဲဘဲ နိုင်ငံတော်အသိမှတ်ပြု စာပေပညာရှင်တစ်ယောက်အဖြစ် ဂုဏ်ပြုခံရတာပဲမဟုတ်လား ။

   Ä   Ä   Ä   Ä   Ä

   ကျွန်တော် စာပေဆုရတဲ့သတင်းလေးဖတ်ပြီး၊ ချက်ချင်းပဲ ကိုခင်မောင်ကြီး၊ (တေးဂီတအကယ်ဒမီ ဆုအကြိမ်ကြိမ်ရဂီတမှူးကြီး )ကို ကျေးဇူးတင်ကြောင်း ဖုန်းဆက်ပြောလိုက်ပါတယ်။ ကျွန်တော်ဂတိအတိုင်း ကျွေးမွေးပေးပါ့မယ်လို့<ကားလိုက်ပါတယ်။
   တစ်ပတ်ကြာတဲ့အခါမှာ – နေပြည်တော် ပြန်ကြားရေးဝန်ကြီးဌာနမှာကျွန်တော်တို့ကိုအမျိုးသား စာပေဆု အပ်နှင်းမှာဖြစ်ပါတယ်၊ ဒါနဲ့ ကျွန်တော် မန္တလေးသွားပြီး၊ ကျွန်တော်အမေနဲ့ဆွေမျိုးတွေကို သွားပြောပြတော့ သူတို့လည်းအားလုံးဝမ်းသာကြပါတယ်။ ကျွန်တော့်ညီတစ်ယောက်ကလဲ နေပြည်တော်အသွားအပြန် ကားတာဝန်ခံပေးပါရစေလို့ပြောပါတယ်။ နောက်တစ်ယောက်က နေပြည်တော်က တည်းခိုခန်းဟော်တယ်မှာ လိုအပ်သလောက် ငှားပေးပါရစေလို့ပြောပါတယ်။ အားလုံး ရေကန်အသင့်ကြာအသင့်ဖြစ်သွားပါတယ်။
   ကျွန်တော့် အမျိုးသမီးအပါအ၀င် ကျွန်တော့် ဆွေမျိုးတွေကိုခေါ်ပြီး နေပြည်တော်ကို သွားခဲ့ပါတယ်။
ကျွန်တော်တို့က ဟိုတယ်တည်းဖို့လည်း ပြောထားပြီး သား၊ ဒါပေမယ့် နေပြည်တော်ရောက်တော့ အကြောင်းအရာတွေအားလုံး ပြောင်းပြန်ဖြစ်သွားပါတယ်။ နေပြည်တော်မှာ လိုလေသေးမရှိ နိုင်ငံတော်က စီစဉ်ပေးထားပါတယ်။ ကျွန်တော်တို့မှာ နိုင်ငံတော်က တာဝန်ကျေတာကိုကြည့်ပြီး အားနာနေရပါတယ်။
   နေပြည်တော်ရှိ လျှောက်လည်သင့်တဲ့နေရာအနှံ့ကိုလည်း လိုက်ပို့ပေးပါတယ်။
   (၃၀-၁၂-၂၀၀၉)မှာ ဆုယူပြီး၊ ညနေပိုင်းကို ဟိုတယ်မှာ စားသောက်ဖွယ်ရာများနဲ့ တည်ခင်းကျွေးမွေးခဲ့ပါတယ်။
   နောက်ဆုံးမှာကျွန်တော့်ကို နေပြည်တော်မှ ရန်ကုန်သို့ အိမ်အရောက်ပြန်နိုင်ဖို့ ကားစင်းလုံးငှားပေးခဲ့တာ ဘယ်တော့မှ ကျေးဇူးမမေ့ပါဘူး။ မိတ်ဆွေ သင်္ဂဟကောင်းဆိုတာ အရေးမှာအကြောင်းတရားရှိပြီး အကျိုးဖြစ်ပေါ်စေတာ ဖြစ်ပါတယ်။
   အမျိုးသားစာပေဆု ရရေးအတွက် ကျွန်တော့်စာကို ဖတ်ပေးကြတဲ့ လူကြီးမင်းအားလုံး ကျန်းမာ ချမ်းသာကြပါစေ၊ လိုအင်ဆန္ဒပြည့်စုံကြပါစေ၊ ကိုယ်စိတ်နှလုံးပျော်ရွှင်နိုင်ကြပါစေ။

   Ä   Ä   Ä   Ä   Ä

   နေပြည်တော်မှပြန်လာပြီး သန္တိသုခ မင်္ဂလာခန်းမမှာ ကျွန်တော့်ဘ၀မှာ ခင်မင်ခဲ့တဲ့ မိတ်ဆွေပေါင်းမြောက်မြားစွာကနေ ကျွန်တော့်ကို မမေ့မလျော့ ခင်မင်လျှက်ရှိတဲ့မိတ်ဆွေတစ်ချို့ကို ဖိတ်ကြားပြီး ဧည့်ခံကျွေးမွေးခဲ့ပါတယ်။ ကျွန်တော်အရမ်းဝမ်းသာပါတယ်။ အရမ်းကြည်နူး ပါတယ်။ အရမ်းကျေနပ်ပါတယ်။

           ကျက်သရေမင်္ဂလာအဖြာဖြာနဲ့           ပြည့်စုံပါစေ .....။